Kampung Saurang

KAMPUNG SAURANG

Ciptaan: Khairiadi Asa

Banua Padang tarus ka Banua Halat

Tambus ka Gadung, Parigi ka Margasari

Kampung nang panambaian ada di Tapin

Warganya rakat ruhui rahayu

Dahulunya Sungai Tapin nang di Rantau

Banyak pandatang urang nang umpat baandah

Mulai padatuan sampai ka pacucuan

Bacari rajaki di pahuluan

Wayah baayun di Banua Halat

Banyak nang datang sambil bahajat

Ka Margasari bacari tikar

Maayam purun balambar-lambar

Tari bagandut itu ada di sini

Rami malihat wayahnya jaman bahari

Adat budaya musti tatap dijaga

Jadi warisan nang baharaga

Ka Pasar Rantau batukar lamang

Babaisukan banyak nang datang

Hati nang dandam kampung saurang

Ading nang bungas lawas diganang