Wikibuku

Mainan Papan Tradisiunal di Indunisia

Mainan papan (board game) sasain rami dimainakan lawan kakanak wayahini. Di Indunisia, popularitas mainan ngini sasain dipinandui rahatan tahun 2015, wayah Kompas bakungsi lawan Kummara (parusahaan mainan) gasan maulah turai Board Game Challenge.[1] Turai nigini juwa salajur mamadahakan bahwa kakanak Indunisia kada hanya batindak sawagai kunsumin di industri mainan papan, tagal juwa hingkat batindak sawagai tukang ulah. Tahun 2017, mainan papan mudirin batima kabudayaan Indunisia hudah mulai diparkanalkan di tingkat antarbangsa rahatan pamiran mainan papan pangganalnya di dunia.[2]

Tagal hudah banyak mainan papan mudirin tumatan Indunisia nang cungulan, banyak urang kada manyamatan bahwa Indunisia baisi mainan papan tradisiunalnya saurang. Sasain mangubasakan prusis maminandui matan kakanak ka kakanak maulah istapit pawarisan mainan tradisiunal ngini tapagat. Tagal, mainan tradisiunal baisi panciri atawa nilai budaya nang dianut masarakat disitu wan panting gasan ditarusakan ka kakanak paimbahnya. [3]

Pahalatan maklumat parihal mainan tradisiunal mangalihi sarusupan gasan mangatahui siapa panamu mainan ngitu wan wayah pabila mainan ngitu mulai dipinandui banyak urang. Tagal, bardasarkan arsip-arsip kabudayaan nang hudah dikikih, Indunisia baisi labih pada 10 ngaran mainan papan tradisiunal nang manjalar di Pulau Sumatera, Jawa, Kalimantan sampai ka Nusa Tenggara Barat. Di sasala mainan nang ditamui, sapalih baisi panciri nang mahirip duwa cara bamainan antara sabuting dairah lawan dairah lainnya. Tagal, rajin ada haja nang di mudip rahatan aturan mainan atawa makna nang disasuaiakan lawan panciri has dairah masing-masing.

Sahdan, mainan papan tradisiunal di Indunisia kawa haja di babak baasa gasan dimainakan pada mainan papan mudirin. Kada nangkaya mainan papan mudirin nang musti manukar sasit mainan lawan haraga nang larang, mainan papan tradisiunal kawa dimainakan mamakai bahan-bahan nang nyaman ditamui di mana haja.[4] Papan mainan kawa mamakai kartas, tanah atawa lantai nang hudah digambari pula mainannya.[5] Tagal, bidaknya kawa mamakai big buah, karikil, batu, pacahan hatap, wan sawagainya.

Mainan papan tradisiunal kawa dimainakan lawan samunyaan umur lawan tingkat ngalihan nang bamacam. Jumlah pamain nang dikahandaki pun kada tapi banyak nangkaya kabanyakan mainan tradisiunal lainnya. Mainan papan tradisiunal kawa dimainakan lawan jumlah pamain saikitnya 2 urang.

Daptar ngaran mainan Papan tradisiunal

sunting
  •  
    Peta manjalarnya mainan papan tradisiunal di Indunisia
  1. Macanan (Yogyakarta)
  2. Catoe (Aceh)
  3. Catur Harimau (Sumatera Barat)
  4. Dam-daman (Jawa)
  5. Derek Enem Olas (Lombok)
  6. Damdas 16 Batu (Betawi)
  7. Damdas 3 Batu (Betawi)
  8. Bas-basan Sepur (Yogyakarta)
  9. Surakarta (Solo)
  10. Ding-dingan (Bengkulu)
  11. Mul-mulan (Jawa)
  12. Derek Dua Olas (Lombok)
  13. Lelempengan (Jawa Barat)
  14. Bakujur (Kabupaten Banjar)
  15. Derek Telu (Lombok)
  16. Catur Karo (Medan)

Manpaat mainan Papan tradisiunal

sunting

Sama haja nangkaya lawan mainan nang lain, mainan tradisiunal mambarii asa himung lawan pamainnya. Mainan ngini kawa jadi parumusan gasan mangurangi asa langu wan mambari himung tadih. Tagal lamun dibandingkan mainan mudirin, mainan tradisiunal bahubungan banar lawan kahingkatan pasal susial (emotional intelligence). Hal ngini nang maulah mainan tradisiunal dijadikan sawagai wadah gasan maulah adab kakanak dudinya. Wayah main, buhan pamain musti bapandiran lawan musuhnya. Saban pamain baisi tujuan asing-asingnya nang musti dituju dalam mainan ini, jadinya hal ngini malatih pamainnya gasan main jujur-jujuran. Salaya ngitu, pamain juwa musti baimpati wan manghargai musuhnya wayah mamarlukan waktu gasan bapikir.[6] lamun mahadapi kakalahan, pamain musti tatap gigih gasan tatap main di partandingan dudinya.[7]

Mainan nang mamakai papan bamanpaat gasan malatih pukus kunsintrasi wan maasah hingkat kadanya gasan manyusun rumus. Katarampilan bapikir ngini pisit kaitannya lawan hingkat kadanya gasan maambil kaputusan. Maka, mainan papan dinilai sawagai salah sabuting cara nang bagus gasan maningkatakan katarampilan pamain dalam pangambilan kaputusan.[8] Wayah rumusan hudah disusun, pamain dituntut gasan baisi rasa parcaya diri wan wani gasan manjalanakan kaputusan nang hudah diambilnya.[9]

Mainan tradisiunal papan kawa dijadikan midia gasan pambalajaran hususnya mata palajaran Barikin.[10] Panyisipan mainan tradisiunal kawa manumbuhakan antusias siswa dalam prusis balajar maajar. Salaya ngitu, adanya mainan tradisiunal kawa mambantu siswa gasan mambangun kunstruksi pamahaman lawan palajaran nang diajarakan.[11] Sapalih panelitian nang digawi gasan mamakai mainan tradisiunal sawagai midia pembelajaran, yaitu:

  1. Mmainan damdas 16 batu gasan maningkatkan hingkat kadanya panjumlahan deret matan siswa tunarungu.[12]
  2. Mainan dam-daman gasan pambalajaran bantuk wan kunsip luas bangun datar.[13]
  3. Mainan bas-basan sepur gasan mampalajari giumitri wan paluang.[14]

Jujuhutan

sunting
  1. ↑ Deliusno (Februari 2015). Kompas Adakan Lomba Desain "Board Game". Kompas.com diakses dari https://tekno.kompas.com/read/2015/02/26/1536007/Kompas.Adakan.Lomba.Desain.Board.Game.?page=all
  2. ↑ Ritonga, M W (Oktober 2021). Wajah Indonesia di "Board Game". Kompas.id diakses dari https://www.kompas.id/baca/muda/2021/10/17/wajah-indonesia-di-board-game
  3. ↑ Khamadi; Senoprabowo, Adi (2018). Adaptasi Permainan Tradisional Mul-mulan ke dalam Peracangan Game Design Document. Andharupa, Vol. 04, No. 01.
  4. ↑ Khamadi; Senoprabowo, Adi (2016). Model Adaptasi Permainan Papan Tradisional Macanan ke dalam Peracangan Permainan Digital. Andharupa, Vol. 02, No. 02.
  5. ↑ Widiarti, 2012. Permainan Anak Tradisional Jawa di Desa Bejiharjo, Kecamatan Karangmojo, Kabupaten Gunungkidul. (Skripsi): Universitas Negeri Yogyakarta.
  6. ↑ Laksmiyanti, Evania Ulya (2017). Rekayasa Permainan Tradisional Dam-daman Digital. (Skripsi): Universitas Negeri Semarang.
  7. ↑ Adi, Banu Setyo; Sudaryanti; Muthmainnah (2020). Implementasi Permainan Tradisional dalam Pembelajaran Anak Usia Dini sebagai Pembentuk Karakter Bangsa. Jurnal Pendidikan Anak, Vol 9 (1), pp 33 – 39.
  8. ↑ Indarti (2015). Efektivitas Permainan Tradisional Bas-Basan Sepur untuk Meningkatkan Keterampilan Pengambilan Keputusan pada Siswa Kelas VI SDN Panjang 03 Ambarawa. (Skripsi): Universitas Sebelas Maret.
  9. ↑ Sari, Nur’Lindah (2021). Pengaruh Media Pembelajaran Permainan Tradisional Damdas Terhadap Motivasi dan Hasil Belajar Tematik Melalui Metode Course Review Horay di Kecamatan Tallo Kota Makassar. (Thesis): Universitas Bosowa.
  10. ↑ Wibowo, Sigit; Anggraini, Sandra Prilia; Sunaryo; Sugevin, Wecya; Nirwana, Cahya Rima; Yuniawatika (2022). Program Mathematic Etnic Learning untuk Meningkatkan Minat Belajar Matematika Siswa SDN 1 Kauman. Jurnal Abdinus: Jurnal Pengabdian Nusantara, 6 (2), pp. 520 – 530.
  11. ↑ Muslihatun, Ana; Sugiman (2022). Pembelajaran Bangun Datar Menggunakan Permainan Anak Tradisional Indonesia. Jurnal Program Studi Pendidikan Matematika, Vol. 11, No. 3, pp. 2131 - 2141.
  12. ↑ Hasibuan, Siti Hardiyanti; Damri (2020). Efektifitas Permainan Tradisional dalam Meningkatkan Kemampuan Penjumlahan Deret ke Samping bagi Siswa Tunarungu. Journal of Multidisciplinary Research and Development, Vol 2, Issue 2.  
  13. ↑ Anugerah; Nur’aeni, Epon; Hodidjah (2018). Desain Didaktis Konsep Luas Daerah Persegi melalui Permainan Tradisional Dam-daman di Sekolah Dasar. Pedadidaktika: Jurnal Ilmiah Pendidikan Guru Sekolah Dasar, Vol. 5, No.4
  14. ↑ Putri, Anindiati Praminto (2016). Geometri dan Peluang dalam Permainan Bas-basan Sederhana. Prosiding Seminar Nasional Matematika dan Terapannya.  
Diperoleh dari "https://id.wikibooks.org/w/index.php?title=Mainan_Papan_Tradisiunal_di_Indunisia&oldid=98900"